台灣pw遇到好有heart 嘅攝影師

因為我比較鐘意台灣呢個地方。所以影pw都選擇咗係呢個地方影。我覺得台灣啲質素都好高。每個女仔第一次影pw一定好驚影得唔靚。所以質地係好重要。我係FB度揾到一間十分有heart嘅攝影公司。價錢唔係太貴。相比起婚展個啲一定平得多。婚展個啲有太多隱藏式收費。而呢間公司又唔會迫我加相。唔會要我買相簿。又唔會要我用安瓶。只要話比佢知你想要啲咩。就得！我想要日落。佢完全滿足到我！

講返個日先。第一日就去揀衫。第二日先影相。佢地一早就嚟我酒店幫我地化妝。化完就出發。第一次見到個攝影師cool cool地。都有啲比佢嚇親。心諗影相個陣擺唔好啲姿勢會唔會比佢鬧架。但係當佢一攞起相機?。成個人就唔同晒。又會搞氣氛。令到我地2個本身好緊張都放鬆咗。我仲記得我老公緊張到唔識笑。佢行埋嚟拖住佢隻手叫。老公~~你要笑啊！不然還有一整天什麼辦。聽咗之後我地全部人都笑到肚痛！

個日我地去咗陽明山。淡水莊園。海邊影。我地個日天氣好好。所以都影得好順利。全日都係笑聲中渡過。最重要佢可以將一個平平無奇嘅地方變到好靚。呢啲可能就係攝影嘅魔法！
所有嘅相我都好滿意。好難得揾到一個好嘅攝影師！！！

最後呢個攝影師仲會介紹我地食好嘢。介紹一啲旅遊書唔會介紹嘅地方。不過我地全部都有去。真心好食。????
如果想去台灣影pw值得推介！